Thok Nath | Nuer

Lääri kɛ thok Nath

The Orange Door mocɛ naath kɛ luäk kɛnɛ ɣöö luäkɛ ji dhɔ̱ar ti ci gaak, amäni dho̱r ti go̱r luäk kɛ kuic puɔlä pua̱a̱ny kɛnɛ pi̱e̱th kɛ kuic gan.

Tha̱a̱ŋ guaäthni ŋɔaani ti te cieŋ kiɛ ciaŋ maarä dɔŋ /cɛ gɔaa kä ji̱n deri luäk mi tɔt go̱r mi de ji luäk. The Orange Door tëë wa̱nɛmɛ kɛ ɣöö bɛ ruacdu liŋ kä bɛ ji̱ luäk kɛ ɣöö bi luäk in go̱o̱ri mal jek kɛ pɛ̈th kɛ duɔ̱ɔ̱p mi thia̱k-thia̱k.

Ji̱n mi̱ ti̱ rɛy rikä mi̱ bɛc bɛc, yɔ̱t Baŋni da̱ŋ Diɔ̱k (000).

The Orange Door deri ji luäk mi̱:

• Ji̱n mi go̱o̱ri luäk kɛ ciaŋ cieŋ, kiɛ ji̱n mi diɛɛri kɛ kuic puɔlä pua̱a̱ny kiɛ pi̱eth gatdä kiɛ ram mi ŋuɛ̈t.
• Mi tëë kɛ ram kɛl mi thiëëk kɛ ji̱ mi jak ji̱ kä dual kiɛ /ci cieŋ kɛ ciaŋ malä cetkɛ cɔwdu kiɛ ciekdu mi ci da̱k, kiɛ raan maarä kiɛ ram mi yuup.
• Ɛ ji̱n gat kiɛ ram mi ŋuɛ̈t mi /ci cieŋ a gɔaa kɛ mal kiɛ /ca ji tit.
• Ji̱n ti rɛy rikä kɛ ciaŋ mi jiääk kiɛ thilɛ ji puɔt lɔaac kiɛ ji̱n go̱o̱ri luäk kɛ kuic ciɛŋni titi mi ti cieŋ kiɛ ti rɛy ciaŋä maarä kuen.
• Ji̱n mi diɛɛri kɛ kuic ciaŋä gɔ̱ɔ̱yä raam kɛl mi ŋäci̱.
• Ji̱n mi ti rɛy ciaŋä gaak dhɔɔru, matdɛ thi̱n amäni puɔt lɔaac cetkɛ ram mi guur ji guäthni diaal ti wi̱i̱ thi̱n, guicɛ ram ɔ guil ji mɔ kiɛ thuki yiööku idi.

The Orange Door deri ji luäk kɛ:

• Bakɔ ji̱ liŋ kä bakɔ tin diɛɛr kɛ ji liŋ.
• Bakɔ lät kɛ ji kɛɛl kɛ ɣöö ba tin go̱o̱ri i ba luäk ni ji kulɛ ŋa̱c.
• Ba ji luäk kɛ pual pua̱a̱ny kɛnɛ pie̱th gan kɛnɛ nɛy ti ŋuɛ̱tni.
• Ba ji̱ luäk kɛ ɣöö bi ca̱p ca̱rä mi gɔaa la̱t mi bi ji gaŋ a gɔaa yɛnɛ gaatku.
• Ba ji jakä jek kɛ ji lätni ti de ji luäk, cetkɛ cuɔm, guäth tɔ̱ɔ̱cä, luäk kɛ ji cieŋ ti ci gaak, juey wec kɛnɛ ma̱th taapni ti jiääk kɛnɛ lät kɔaŋni, luäk bunni dho̱ri nath, luäk lätni kɛ kuic gan, luäk yiööni, kiɛ luäk kɛ kui luäk luɔk cuuŋä.
• Ba ji luäk kɛ duɔ̱p mi bi luäk yiööni jek kɛ jɛ kɛ kuic kä ti bi kɔk kɛ ciaŋ tëkädu kɛnɛ ti kɔ̱kiɛn tin bi kɔk.
• Lät nɛy kɛ ji kɛɛl kä ba ji luäk kɛ ger ciɛŋä mi la ciɛŋni naath a jiääk kiɛ ti kɛ ciaŋ mi ci ruac nath liŋ cieŋ kiɛ ta̱a̱ maarä yɛnɛ cɔwdu kiɛ ciekdu.

Ɣän de The Orange Door je̱k idi?

The Orange Door te ɣööŋä kɛ 9am kɛ runwaŋ a wä kä 5pm kɛ thiaŋ Jiecla̱t a wä kä Dhie̱e̱c Lätni (Bɛ ga̱a̱k kɛ ni̱n lɔ̱ŋni).

Go̱r gua̱a̱th kiɛ pöthkɔɔt(opens in a new window) kɛ ɣöö bi lät ti te thie̱e̱kädu jëk.

The Orange Door derɛ lät kɛ ji̱ kɛɛl mi ti kɛ kuak luäkä ti la ruac kɛ ji kiɛ go̱o̱ri luɔc thuɔk, amäni (Auslan) Ɣo̱thlɛn thok nyuuthni mi la ruac kɛ mie̱e̱ŋ.

Ɣän göörä ram mi̱ bi̱ ɣä luɔc thuɔk

Ɛ ji la̱t ɛ ŋäc i̱ go̱o̱ri ram mi̱ bi̱ ji luɔc thuɔk. A ji̱ la̱t ŋäc jɛ:

• nɔmbɔr poonädu
• thoodu
• mi̱ ti gua̱a̱th mi gɔaa yɔ̱tni.

Bi ram min luuc thuɔk ji cɔal jɔk.

Kä la̱t The Orange Door ca riali̱kä kɛ kuidä?

The Orange Door nhɔkɛ naath kɛ runkiɛn diaal, wut kiɛ ciek, ciaŋdu kɛnɛ lua̱ŋ. Ciɛŋ nɛɛni diaal amäni ciaŋ palä ŋäthädiɛn luɔthkɛ kɛ. Ɛ la̱a̱t ŋäc jɛ mi̱ go̱o̱ri ɣöö bi lät kɛɛl yɛnɛ wut kiɛ ciek mi̱ läät. The Orange Door lätdɛ kɛ lät multicultural, lät LGBTI kɛnɛ lät nɛɛni te bum kɛ ɣöö bɛ ti go̱o̱rkɛ ɛ nɛy ti gööl kulɛ ŋäc ram kɛl kɛnɛ ji gɔali. La̱a̱t ba ji̱ ka̱m lääri kɛ kui kä mi̱n nhɔki kɛ ɣöö ba ji̱ jakä je̱k kɛ lät tin go̱o̱ri.

Mi̱ ɛ ji̱n ram mi̱ ci̱ ɣo̱nh ɛn wa̱nɛ kiɛ ro̱pujii kiɛ /ci bi̱ cieŋ ɛn wa̱nɛ kɛ pe̱k mi̱ bäär, bakɔ ŋot bä kɛ ɣöö bakɔ ji luäk. /Cu dual kɛ go̱r luäkä kɛ ɣöö ɛ ji̱n ram ci̱ ɣo̱nh wi̱c kɛ ciaŋdu. Mɛmɛ ɛ lät mi̱ tho̱pkɛ baaŋ. Jakni la̱a̱t The Orange Door kä ŋa̱c kɛ jɛ mi̱ nhɔ̱ki ni ɣöö bi riɛkdu lat kɛ tɛlɛpoon kiɛ bi̱ ben ni puɔ̱nydu.

Ɛ winith bä wä thi̱n mi /ka̱nThe Orange Door lɛp?

Ruacni kɛ ji lätni ɛti̱ kɛ gua̱a̱th in ci thaakni la̱t ga̱a̱k:

• Lät tin Ja̱kɛ Wutni thi̱nkɛ 1300 766 491 (8am-9pm Jiecla̱t-Dhie̱e̱c Lätni kɛnɛ 9am-6pm kɛ cäŋ kä Bakɛl kɛnɛ Barɔwni ni̱ni kɛnɛ ni̱n lɔa̱ŋni) (Gak wutni dho̱ri tɛlɛpoon comä, lääri kɛnɛ lät tin ja̱kɛ nath kä thi̱n)
• Ka̱a̱th tin gɔw ɛ luäk la̱t kɛ kui nɛɛni ti te riɛk kɛ gak dho̱ri 1800 015 188 (thaakni 24, ni̱n 7 kɛ juɔk). Ji̱n bä deri imëël ka̱a;th ti gɔw(opens in a new window) kiɛ la̱tkiɛn cie̱ŋ wɛb ruac kɛ luäk lätni(opens in a new window)
• Laany lua̱k kɛ nɛy ti ca moc rik (nɛy diaal tin ca moc rik kɛnɛ wutni ti dël ti ca moc rik kɛ gaak kɛ kui dho̱ri) 1800 819 817 kiɛ ja̱kni ruac 0427 767 891 (8am-11pm, ni ciaŋ)
• Laany kɛ Rik Tɔɔcä (luɔm) kiɛ käp pi̱ny kɛ buɔm 1800 806 292 (thaakni ti 24, ni̱n 7 kɛ juɔk)

Mi̱ ɛ ji̱n kiɛ ram mi dɔdiɛn mi̱ te rɛy rikä mi̱ pay tuɔk, yɔ̱t baŋni da̱ŋ Diɔ̱k (000) kɛ lua̱k rikä mi̱ ruprup.

Lääri kɛ kui la̱t kɛnɛ tɛ̱ɛ̱

Ji̱n deri lääri lat kɛ ŋäcdu kɛ The Orange Door kɛ online feedback form(opens in a new window) kä orangedoor.vic.gov.au/feedback(opens in a new window) kiɛ kɛ yɔa̱t 1800 312 820 kɛnɛ thiec kɛ ruac kɛ läätdu, kuär guic kuakni kiɛ kuäär in di̱i̱t.

Kɔn lät nɛy a bum kɛ ɣöö bakɔ tɛ̈ɛ̈ni kɛ kuidu ga̱ŋ. Kɛ ɣöö biɛ je̱k ta̱a̱ in bi̱ nɛy lääri̱ku la̱a̱tkɛ jɛ, mi lotdɛ rɔ wer kä ruac tɛ̈ɛ̈ni kɔ(opens in a new window).