Faamatalaga i le gagana Samoa
O le Faitotoa Lanumoli e ofoina le fesoasoani mo sauaga i aīga, ae faapena fo'i aīga o loo mana'omia le lagolago i le soifua manuia ma le atia'eina o fanau.
O isi taimi o mea i le aīga poo se mafutaga e lē o lelei ma e te mana'omia se fesoasoani ma le lagolago. O le Faitotoa Lanumoli e faalogo ia oe ma fesoasoani ina ia e maua lagolago vave ma faigofie.
Afai o e iai i se tulaga lamatia vave, vili selo e tolu (000).
E mafai ona fesoasoani le Faitotoa Lanumoli pe afai:
- E te mana'omia le fesoasoani i le faamātua, poo e popole i le soifua manuia poo le atia'eina o se tamaititi poo se tupulaga talavou.
- O se isi e latalata ia oe ua e lagona ai le fefe poo o le lē saogalemu e pei o lau paaga, paaga muamua, tagata o le aīga poo le tagata o faia le tausiga.
- O oe o se tamaititi poo se tupulaga talavou ua lagona le lē saogalemu poo le lē tausia lelei.
- Ua e lamatia i le faia o amio sauā ma pulepule tutū poo e mana'omia le fesoasoani i nei amio i le fale poo se mafutaga.
- O loo e popole i le saogalemu o se tasi e te iloa.
- Na e aafia i sauaga i aīga, aofia ai amioga pulepule tutū e pei o se isi e mata’itūina mea e te alu iai, o ai e te asiasi iai poo auala o faaalu ai au tupe.
E mafai ona fesoasoani le Faitotoa Lanumoli e ala i le:
- Faalogo ia oe ma iloa poo a ou popolega.
- Galulue ma oe ia iloa le fesoasoani ma le lagolago e te mana'omia.
- Lagolago ia oe i le soifua manuia ma le atia’eina o tamaiti ma tupulaga talavou.
- Fesoasoani ia oe e faia se fuafuaga saogalemu e te malu ai ma lau fanau.
- Feso’ota’i oe i auaunaga e mafai ona fesoasoani, e pei o faufautua, fale nonofo ai, lagolago mo sauaga i aīga, auaunaga mo soifua maloloina o le mafaufau, ma fualaau faasaina ma le ava malosi, kulupu lagolago o le faamātua, auaunaga mo tamaiti, fesoasoani tau tupe poo le lagolago faaletulafono.
- Lagolagoina o oe ia maua fesoasoani tau tupe mo tupe faaalu masani ma isi tau.
- Galulue ma oe e fesoasoani ia oe e sui pe afai o loo e faaaogaina amio sauā poo le pulepule tutū i le fale poo se mafutaga.
E faapefea ona ou ulufale i le Faitotoa Lanumoli?
O le Faitotoa Lanumoli e tatala i le 9am i le 5pm mai le Aso Gafua e oo i le Aso Faraile (tapuni i aso malolo).
Su'e e ala i le nofoaga poo le postcode e maua ai lau auaunaga o le lotoifale.
O le Faitotoa Lanumolli e mafai ona galulue ma oe pe afai e te faaaogaina mea e fesoasoani i fesoota'iga pe e mana'omia se faamatala upu e aofia ai le Auslan.
Ou te mana'omia se faamatala upu
Faailoa i le auaunaga pe afai e te mana'omia se faamatala upu. Faailoa i le auaunaga:
- lau numera o le telefoni
- lau gagana
- poo le a le taimi sefe e te vili atu ai.
O le a toe vili atu ia oe se faamatala upu.
O le Faitotoa Lanumoli ea o se auaunaga ua saunia mo a'u?
E talia e le Faitotoa Lanumoli tagata o soo se matua, itupa, faafeusua’iga, aganuu, ma le tomai. O faasinomaga faaleaganuu ma le faa Ekalesia e aloa’ia. Faailoa i le tagata faigaluega pe afai e te filifili e galulue ma se alii poo se tama'ita'i. O le Faitotoa Lanumoli e galulue ma auaunaga a aganuu eseese, auaunaga LGBTI ma aafiaga tumau i le soifua ia faamalieina ai mana'oga eseese o aīga ma tagata ta'ito'atasi. O le a avatu e le aufaigaluega faamatalaga e faatatau i filifiliga ma fesoota'i oe i auaunaga e te mana'omia.
Afai o oe o se tagata malaga mai poo se tagata sulufa'i pe leai se pemita nofomau, e mafai lava ona matou fesoasoani ia te oe. Aua le fefe e saili le lagolago ona o le tulaga o iai ou pepa malaga. E leai se totogi o lenei auaunaga. Faailoa i le aufaigaluega a le Faitotoa Lanumoli pe e te mana'o e faatalanoa lau mataupu i luga o le telefoni pe faafesaga'i.
O fea ou te alu iai pe a le o tatalaina le Faitotoa Lanumoli?
Faafesoota'i auaunaga ua ta’ua i lalo i fafo o itulā nei:
- Auaunaga Faasino mo Tamaloloa i le 1300 766 491 (8am-9pm Aso Gafua-Aso Faraile ma le 9am-6pm Aso Toanai ma le Aso Sa ma Aso Malolo) (Faamatalaga i Auaunaga faufautua i le telefoni mo sauaga i aiga o tamaloloa, auaunaga i faasinomaga ma faamatalaga)
- O Sitepu Saogalemu o se auaunaga lagolago mo tagata aafia i sauga i aīga 1800 015 188 (24 itulā, 7 aso o le vaiaso). E mafai fo'i ona imeli Sitepu Saogalemu pe faaaoga le latou talanoa tuusa'o i luga o le initaneti
- Laina fesoasoani mo Tagata Aafia i Soligatulafono (mo tagata aafia uma ma alii na aafia i sauaga i aīga) 1800 819 817 pe ave se feau i le 0427 767 891 (8pm-11pm, aso uma)
- O le Laina mo Sauaga Tau Feusua'iga e mo tagata aafia i le faaoolima tau feusua'iga 1800 806 292 (24 itulā, 7 aso o le vaiaso)
Afai o oe poo se isi tagata o loo iai se lamatia vave, vili selo e 3 (000) mo se fesoasaoni vave.
Manatu faaalia ma le faalilolilo
E mafai ona e tuuina mai ou manatu faaalia e faatatau i mea na tutupu ia oe i le Faitotoa Lanumoli faaaoga ai pepa faatumu o manatu faaalia i luga o le initaneti i le orangedoor.vic.gov.au/feedback pe vili le 1800 312 820 ma talosaga e te fia talanoa i lau tagata faigaluega, ta'ita'i, poo le pule.
E matou te faatauaina au faamatalaga totino. Ina ia iloa pe faapefea ona matou faaaogaina au faamatalaga, faamolemole taga'i ifo i le matou faiga faavae o faamatalaga totino.
Updated