ܐܵܬܘܿܪܵܝܵܐ
ܡܵܘܕܥܵܢܘܼܬܵܐ ܒܠܸܫܵܢܵܐ ܐܵܬܘܿܪܵܝܵܐ
ܚܸܠܡܲܬ ܕ The Orange Door ܟܹܐ ܡܙܲܘܸܕܵܐ ܗܲܝܲܪܬܵܐ ܘܣܢܵܕܬܵܐ ܩܵܐ ܥܢܵܦܵܐ ܒܲܝܬܘܼܬܵܝܵܐ، ܘܐܵܦ ܩܵܐ ܒܲܝܬܘܼܝܵܬܹ̈ܐ ܕܐܝܼܬܠܗܘܿܢ ܣܢܝܼܩܘܼܬܵܐ ܠܣܢܵܕܬܵܐ ܥܲܡ ܛܵܒܼܘܼܬܵܐ ܕܚܲܝܹ̈ܐ ܘܓܲܪܘܲܣܬܵܐ ܕܫܲܒܼܪܹ̈ܐ.
ܚܲܕܟܡܵܐ ܓܵܗܹ̈ܐ ܡܸܢܕܝܼܵܢܹ̈ܐ ܓܵܘ ܒܲܝܬܵܐ ܝܲܢ ܓܵܘ ܚܕܵܐ ܐ݉ܚܝܵܢܘܼܬܵܐ (ܥܹܠܵܩܵܐ) ܠܹܐ ܝܢܵܐ ܨܦܵܝܝܼ ܘܟܹܐ ܣܵܢܩܝܼܬܘܿܢ ܠܚܲܕܟ̰ܵܐ ܗܲܝܲܪܬܵܐ ܘܣܢܵܕܬܵܐ. ܚܸܠܡܲܬ ܕ The Orange Door ܠܐܲܟܼܵܐ ܝܠܵܗܿ ܩܵܐ ܕܫܵܡܥܵܐ ܐܸܠܵܘܟܼܘܿܢ ܘܗܲܝܸܪܵܐ ܠܵܘܟܼܘܿܢ ܕܩܵܢܝܼܬܘܿܢ ܣܢܵܕܬܵܐ ܕܣܢܝܼܩܹ̈ܐ ܝܬܘܿܢ ܐܸܠܘܿܗܿ ܒܓ̰ܲܠܕܘܼܬܵܐ ܘܗܵܣܵܢܵܝܘܼܬܵܐ.
ܐܸܢ ܝܼܬܘܿܢ ܓܵܘ ܩܸܢܛܵܐ ܗܵܫܵܝܵܐ، ܡܲܚܒܸܪܘܼܢ ܬܠܵܬܵܐ ܨܝܼܦܵܪܹ̈ܐ (000) Triple Zero
ܚܸܠܡܲܬ ܕ The Orange Door ܡܵܨܝܵܐ ܗܲܝܸܪܵܐ ܐܸܢ:
- ܣܵܢܩܝܼܬܘܿܢ ܠܗܲܝܲܪܬܵܐ ܒܐܲܒܼܵܗܘܼܬܵܐ، ܝܲܢ ܢܸܓܵܪܵܢ ܝܬܘܿܢ ܒܘܼܕ ܛܵܒܼܘܼܬܵܐ ܕܚܲܝܹ̈ܐ ܝܲܢ ܓܲܪܘܲܣܬܵܐ ܕܚܲܕ ܫܲܒܼܪܵܐ ܝܲܢ ܥܠܲܝܡܵܐ.
- ܚܲܕ ܐ݉ܢܵܫܵܐ ܩܘܼܪܒܵܐ ܐܸܠܵܘܟܼܘܿܢ ܒܸܫܒܼܵܩܵܘܟܼܘܿܢ ܝܠܹܗ ܕܪܵܓܼܫܝܼܬܘܿܢ ܒܙܕܘܼܥܬܵܐ ܝܲܢ ܠܵܐ ܫܲܝܢܘܼܬܵܐ ܐܲܝܟܼ ܫܲܪܝܼܟܵܐ ܕܚܲܝܵܘܟܼܘܿܢ، ܫܲܪܝܼܟܵܘܟܼܘܿܢ ܕܲܥܒܼܲܪ، ܗܲܕܵܡܵܐ ܕܒܲܝܬܘܼܬܵܐ ܝܲܢ ܝܵܨܘܿܦܵܐ (ܡܲܣܸܡܵܢܵܐ ܕܒܵܠܵܐ).
- ܐܲܚܬܘܿܢ ܝܼܬܘܿܢ ܚܲܕ ܫܲܒܼܪܵܐ ܝܲܢ ܥܠܲܝܡܵܐ ܕܠܹܐ ܝܠܹܗ ܒܸܪܓܼܵܫܵܐ ܒܫܲܝܢܘܼܬܵܐ ܝܲܢ ܕܠܵܐ ܝܠܹܗ ܦܝܼܫܵܐ ܡܘܼܣܸܡܵܐ ܒܵܠܵܐ ܐܸܠܹܗ.
- ܐܲܚܬܘܿܢ ܝܼܬܘܿܢ ܓܵܘ ܩܸܢܛܵܐ ܕܡܲܦܠܲܚܬܵܐ ܕܕܘܼܒܵܪܵܐ ܡܲܣܩܸܕܵܢܵܐ ܝܲܢ ܙܲܒܛܸܢܵܢܵܐ ܝܲܢ ܣܢܝܼܩܹ̈ܐ ܝܬܘܿܢ ܗܲܝܲܪܬܵܐ ܒܐܲܢܹܐ ܕܘܼܒܵܪܹ̈ܐ ܓܵܘ ܒܲܝܬܵܐ ܝܲܢ ܓܵܘ ܚܕܵܐ ܐ݉ܚܝܵܢܘܼܬܵܐ.
- ܐܲܚܬܘܿܢ ܢܸܓܵܪܵܢ ܝܬܘܿܢ ܒܘܼܕ ܫܲܝܢܘܼܬܵܐ (ܣܲܠܵܡܲܬܘܼܬܵܐ) ܕܚܲܕ ܐ݉ܢܵܫܵܐ ܕܝܵܕܥܝܼܬܘܿܢ ܠܹܗ.
- ܐܲܚܬܘܿܢ ܥܒܼܝܼܪܹܐ ܝܬܘܿܢ ܒܢܸܣܝܵܢܵܐ ܕܥܢܵܦܵܐ ܒܲܝܬܘܼܬܵܝܵܐ، ܒܸܚܒܼܵܫܵܐ ܕܘܼܒܵܪܵܐ ܙܲܒܛܸܢܵܢܵܐ ܐܲܝܟܼ ܚܲܕ ܡܲܪܗܘܼܝܹܐ ܥܲܝܢܵܐ ܥܲܠܵܘܟܼܘܿܢ ܐܲܝܟܵܐ ܟܹܐ ܐܵܙܠ݉ܝܼܬܘܿܢ، ܒܡܵܢܝܼ ܟܹܐ ܬܵܦܩܝܼܬܘܿܢ ܘܕܵܐܟܼܝܼ ܟܹܐ ܚܵܪܓ̰ܝܼܬܘܿܢ ܙܘܼܙܵܘܟܼ̈ܘܿܢ.
ܚܸܠܡܲܬ ܕ The Orange Door ܡܵܨܝܵܐ ܗܲܝܸܪܵܐ:
- ܒܡܲܫܡܸܥܬܵܐ ܐܸܠܵܘܟܼܘܿܢ ܘܫܡܵܥܬܵܐ ܕܡܘܿܕܝܼ ܝܢܵܐ ܢܸܓܵܪ̈ܵܢܘܼܝܵܬܵܘܟܼܘܿܢ.
- ܒܦܠܲܚܬܵܐ ܥܲܡܵܘܟܼܘܿܢ ܩܵܐ ܪܫܵܡܬܵܐ ܕܗܲܝܲܪܬܵܐ ܘܣܢܵܕܬܵܐ ܕܣܢܝܼܩܹ̈ܐ ܝܬܘܿܢ ܐܸܠܘܿܗܿ.
- ܒܣܢܵܕܬܵܘܟܼܘܿܢ ܒܛܵܒܼܘܼܬܵܐ ܕܚܲܝܵܘܟܼܘܿܢ ܘܒܓܲܪܘܲܣܬܵܐ ܕܫܲܒܼܪܹ̈ܐ ܘܕܥܠܲܝܡܹ̈ܐ.
- ܒܗܲܝܲܪܬܵܘܟܼܘܿܢ ܒܥܒܼܵܕܬܵܐ ܕܚܲܕ ܚܘܼܛܵܛܵܐ ܕܫܲܝܢܘܼܬܵܐ ܩܵܐ ܕܚܲܡܲܚ ܠܵܘܟܼܘܿܢ ܘܚܲܡܲܚ ܠܫܲܒܼܪܵܘܟܼ̈ܘܿܢ ܣܲܠܵܡܲܬ.
- ܒܐ݉ܣܵܪܬܵܘܟܼܘܿܢ ܒܚܸܠܡܲܬܹ̈ܐ ܕܡܵܨܝܼ ܗܲܝܸܪܝܼ، ܐܲܝܟܼ ܡܗܲܕܝܵܢܘܼܬܵܐ، ܕܘܼܟܬܵܐ ܕܡܲܫܪܝܼܬܵܐ، ܣܢܵܕܬܵܐ ܕܥܢܵܦܵܐ ܒܲܝܬܘܼܬܵܝܵܐ، ܚܘܼܠܡܵܢܵܐ ܕܗܵܘܢܵܐ ܘܚܸܠܡܲܬܹ̈ܐ ܕܡܥܲܩܕܵܢܹ̈ܐ ܘܫܬܵܝܬܵܐ ܡܲܪܘܸܝܵܢܬܵܐ (ܐܲܠܟܘܿܗܘܿܠ)، ܕܵܣܬܹ̈ܐ ܕܗܲܝܲܪܬܵܐ ܕܐܲܒܼܵܗܘܼܬܵܐ، ܚܸܠܡܲܬܹ̈ܐ ܩܵܐ ܫܲܒܼܪܹ̈ܐ، ܗܲܝܲܪܬܵܐ ܟܸܣܦܵܢܵܝܬܵܐ، ܝܲܢ ܥܘܼܕܪܵܢܵܐ ܩܵܢܘܿܢܵܝܵܐ.
- ܒܣܢܵܕܬܵܘܟܼܘܿܢ ܕܡܵܛܝܼܬܘܿܢ ܠܡܲܘܲܠܬܵܐ ܩܵܐ ܡܲܨܪ̈ܵܦܹܐ ܐܸܣܵܝܹ̈ܐ ܕܚܲܝܘܼܬܵܐ ܘܢܲܦܩܵܬܹ̈ܐ ܐ݉ܚܹܪ̈݉ܢܹܐ.
- ܒܦܠܲܚܬܵܐ ܥܲܡܵܘܟܼܘܿܢ ܠܗܲܝܘܼܪܵܘܟܼܘܿܢ ܕܫܲܚܠܸܦܝܼܬܘܿܢ ܐܸܢ ܡܲܦܠܘܼܚܹܐ ܝܬܘܿܢ ܕܘܼܒܵܪܵܐ ܡܲܣܩܸܕܵܢܵܐ ܝܲܢ ܙܲܒܛܸܢܵܢܵܐ ܓܵܘ ܒܲܝܬܵܐ ܝܲܢ ܓܵܘ ܚܕܵܐ ܐ݉ܚܝܵܢܘܼܬܵܐ.
ܕܵܐܟܼܝܼ ܡܵܨܹܝܢ ܐܵܢܵܐ ܡܵܛܹܝܢ ܠܚܸܠܡܲܬ ܕ The Orange Door؟
ܚܸܠܡܲܬ ܕ The Orange Door ܦܬܝܼܚܬܵܐ ܝܠܵܗܿ ܡܼܢ ܣܵܥܲܬ 9 ܒܩܲܝܕܵܡܬܵܐ ܗܲܠ ܣܵܥܲܬ 5 ܒܪܲܡܫܵܐ ܒܝܵܘܡܵܢܹ̈ܐ ܕܬܪܹܝܢܒܫܲܒܵܐ ܗܲܠ ܥܪܘܼܒܼܬܵܐ (ܕܒܼܝܼܪܬܵܐ ܝܠܵܗܿ ܒܝܵܘܡܵܢܹ̈ܐ ܕܒܸܛܠܵܢܵܐ ܥܲܡܡܵܝܵܐ)
ܥܒܼܘܿܕܘܼܢ ܒܘܼܨܵܝܵܐ ܒܕܘܼܟܬܵܐ ܝܲܢ ܒܪܸܡܙܵܐ ܒܲܪܝܼܕܵܝܵܐ (Search by location or postcode) ܩܵܐ ܕܡܲܫܟܼܚܝܼܬܘܿܢ ܠܵܗܿ ܚܸܠܡܲܬܵܘܟܼܘܿܢ ܡܲܗܲܠܵܝܬܵܐ.
ܚܸܠܡܲܬ ܕ The Orange Door ܡܵܨܝܵܐ ܦܵܠܚܵܐ ܥܲܡܵܘܟܼܘܿܢ ܐܸܢ ܡܲܦܠܸܚܝܼܬܘܿܢ ܡܥܲܕܪ̈ܵܢܹܐ ܕܝܵܗܒܼ ܫܩܵܠܵܐ ܝܲܢ ܣܵܢܩܝܼܬܘܿܢ ܠܚܲܕ ܬܲܪܓܡܵܢܵܐ، ܒܸܚܒܼܵܫܵܐ Auslan
ܐܵܢܵܐ ܣܢܝܼܩܵܐ ܝܘܸܢ ܠܚܲܕ ܬܲܪܓܡܵܢܵܐ
ܡܲܕܸܥܡܘܼܢ ܩܵܐ ܚܸܠܡܲܬ ܐܸܢ ܣܢܝܼܩܹ̈ܐ ܝܬܘܿܢ ܠܚܲܕ ܬܲܪܓܡܵܢܵܐ. ܡܲܕܸܥܡܘܼܢ ܩܵܐ ܚܸܠܡܲܬ:
- ܡܸܢܝܵܢܵܐ ܕܬܹܠܹܦ̮ܘܿܢܵܘܟܼܘܿܢ
- ܠܸܫܵܢܵܘܟܼܘܿܢ
- ܐܝܼܡܲܢ ܝܠܵܗܿ ܫܲܝܢܵܝܬܵܐ (ܣܲܠܵܡܲܬ) ܩܵܐ ܡܲܚܒܲܪܬܵܐ.
ܗܿܝܓܵܗ݉ܐ ܚܲܕ ܬܲܪܓܡܵܢܵܐ ܒܸܕ ܡܲܚܒܸܪܵܘܟܼܘܿܢ.
ܝܼܠܵܗܿ The Orange Door ܚܕܵܐ ܚܸܠܡܲܬ ܦܘܼܨܸܠܬܵܐ ܩܵܐܠܝܼ؟
ܚܸܠܡܲܬ ܕ The Orange Door ܟܹܐ ܩܲܒܠܵܐ ܒܫܲܝܢܵܐ ܐ݉ܢܵܫܹ̈ܐ ܕܡܼܢ ܟܠ ܥܘܼܡܪܵܐ، ܓܸܢܣܵܐ، ܓܸܢܣܵܝܘܼܬܵܐ، ܡܲܪܕܘܼܬܵܐ، ܘܡܨܵܝܬܵܐ ܕܗܵܘܝܼ. ܟܠܲܝܗܝ ܡܲܚܲܒܝܵܬܹ̈ܐ ܡܲܪ̈ܕܘܼܬܵܢܵܝܹܐ ܘܬܵܘܕܝܼܬܵܢܵܝܹ̈ܐ ܦܝܼܫܹ̈ܐ ܝܢܵܐ ܡܝܘܼܩܪܹ̈ܐ. ܡܲܕܸܥܡܘܼܢ ܩܵܐ ܦܵܠܵܚܵܐ ܐܸܢ ܡܲܚܘܼܒܹܐ ܝܬܘܿܢ ܕܦܵܠܚܝܼܬܘܿܢ ܥܲܡ ܚܲܕ ܦܵܠܵܚܵܐ ܐܘܼܪܙܵܐ ܝܲܢ ܦܵܠܵܚܬܵܐ ܢܸܩܒܼܵܐ. ܚܸܠܡܲܬ ܕ The Orange Door ܟܹܐ ܦܵܠܚܵܐ ܥܲܡ ܚܸܠܡܲܬܹ̈ܐ ܣܲܓܝܼܡܲܪ̈ܕܘܼܬܵܢܵܝܹܐ، ܚܸܠܡܲܬܹ̈ܐ ܕ LGBTI ܘܚܸܠܡܲܬܹ̈ܐ ܕܫܲܦܠܘܼܬܵܐ ܩܵܐ ܕܡܵܠܝܵܐ ܠܣܢܝܼܩܘܼܝܵܬܹ̈ܐ ܕܦܲܪ̈ܨܘܿܦܹܐ ܘܒܲܝܬܘܼܝܵܬܹ̈ܐ. ܦܵܠܵܚܹ̈ܐ ܒܸܕ ܝܵܗܒܼܝܼ ܠܵܘܟܼܘܿܢ ܡܵܘܕܥܵܢܘܼܬܵܐ ܒܘܼܕ ܓܘܼܒܵܝܹ̈ܐ ܘܐܵܣܪܝܼ ܠܵܘܟܼܘܿܢ ܒܚܸܠܡܲܬܹ̈ܐ ܕܣܢܝܼܩܹ̈ܐ ܝܬܘܿܢ ܐܸܠܲܝܗܝ.
ܐܸܢ ܝܼܬܘܿܢ ܚܲܕ ܬܵܘܬܵܒܼܵܐ ܝܲܢ ܚܲܕ ܓܵܘܣܵܢܵܐ ܝܲܢ ܠܲܝܬ ܠܵܘܟܼܘܿܢ ܦܝܵܫܬܵܐ ܐܲܡܝܼܢܵܝܬܵܐ، ܗܵܠܵܐ ܡܵܨܲܚ ܗܲܝܸܪܲܚ ܠܵܘܟܼܘܿܢ. ܠܵܐ ܙܵܕܥܝܼܬܘܿܢ ܡܼܢ ܛܲܥܲܝܬܵܐ ܒܵܬ݉ܪ ܣܢܵܕܬܵܐ ܒܣܲܒܵܒ ܕܐܲܗܘܵܠܵܬܵܘܟܼܘܿܢ ܕܬܵܘܬܵܒܼܘܼܬܵܐ. ܐܵܗܵܐ ܝܼܠܵܗܿ ܚܕܵܐ ܚܸܠܡܲܬ ܡܲܓܵܢܵܝܬܵܐ. ܡܲܕܸܥܡܘܼܢ ܩܵܐ ܦܵܠܵܚܹ̈ܐ ܕ The Orange Door ܐܸܢ ܐܲܚܬܘܿܢ ܡܲܚܘܼܒܹܐ ܝܬܘܿܢ ܕܕܵܪܫܝܼܬܘܿܢ ܠܵܗܿ ܐܲܝܟܲܢܵܝܘܼܬܵܘܟܼܘܿܢ ܡܼܢ ܥܲܠ ܬܹܠܹܦ̮ܘܿܢ ܝܲܢ ܦܵܬܵܐ ܠܦܵܬܵܐ.
ܐܲܝܟܵܐ ܓܵܪܲܓ ܐܵܙܹܠ݉ܢ ܐܝܼܡܲܢ ܕܚܸܠܡܲܬ ܕ The Orange Door ܠܵܐ ܝܠܵܗܿ ܦܬܝܼܚܬܵܐ؟
- ܡܲܚܒܸܪܘܼܢ ܩܵܐ ܚܸܠܡܲܬܹ̈ܐ ܕܒܹܐܬܵܝܵܐ ܝܢܵܐ ܠܒܼܲܕܲܪ ܡܼܢ ܐܲܢܹܐ ܣܵܥܲܬܹ̈ܐ:
- ܚܸܠܡܲܬ ܕܫܲܕܲܪܬܵܐ ܕܐܘܼܪ̈ܙܹܐ (Men’s Referral Service) ܥܲܠ ܡܸܢܝܵܢܵܐ 1300 766 491 (ܡܼܢ ܣܵܥܲܬ 8 ܒܩܲܝܕܵܡܬܵܐ ܗܲܠ ܣܵܥܲܬ 9 ܒܠܲܝܠܹܐ ܒܝܵܘܡܵܢܹ̈ܐ ܕܬܪܹܝܢܒܫܲܒܵܐ ܗܲܠ ܥܪܘܼܒܼܬܵܐ ܘܡܼܢ ܣܵܥܲܬ 9 ܒܩܲܝܕܵܡܬܵܐ ܗܲܠ ܣܵܥܲܬ 6 ܒܪܲܡܫܵܐ ܒܝܵܘܡܵܢܹ̈ܐ ܕܫܲܒܬܵܐ ܘܚܲܕܒܼܫܲܒܵܐ ܘܝܵܘܡܵܢܹ̈ܐ ܕܒܸܛܠܵܢܹ̈ܐ ܥܲܡܡܵܝܹ̈ܐ) (ܡܗܲܕܝܵܢܘܼܬܵܐ ܕܥܢܵܦܵܐ ܒܲܝܬܘܼܬܵܝܵܐ ܩܵܐ ܐܘܼܪ̈ܙܹܐ ܒܐܘܼܪܚܵܐ ܕܬܹܠܹܦ̮ܘܿܢ، ܚܸܠܡܲܬ ܕܡܵܘܕܥܵܢܘܼܬܵܐ ܘܫܲܕܲܪܬܵܐ)
- Safe Steps ܝܼܠܵܗܿ ܚܕܵܐ ܚܸܠܡܲܬ ܕܣܢܵܕܬܵܐ ܩܵܐ ܐ݉ܢܵܫܹ̈ܐ ܕܗܘܝܹܐ ܝܢܵܐ ܕܸܒܼܚܵܐ ܕܥܢܵܦܵܐ ܒܲܝܬܘܼܬܵܝܵܐ ܥܲܠ ܡܸܢܝܵܢܵܐ 1800 015 188 (24 ܣܵܥܲܬܹ̈ܐ، 7 ܝܵܘܡܵܢܹ̈ܐ ܒܫܵܒܼܘܿܥܵܐ). ܐܵܦ ܡܵܨܝܼܬܘܿܢ ܫܲܕܪܝܼܬܘܿܢ ܐܝܼܡܵܝܠ ܩܵܐ Safe Steps (email Safe Steps) ܝܲܢ ܡܲܦܠܸܚܝܼܬܘܿܢ ܚܸܠܡܲܬ ܕܣܢܵܕܬܵܐ ܕܗܲܡܙܲܡܬܵܐ ܚܵܝܬܵܐ ܕܫܲܒܼܟܵܐ (live web chat support service) ܕܕܝܼܲܝܗܝ
- ܚܘܼܛܵܐ ܕܗܲܝܲܪܬܵܐ ܕ Victims of Crime (ܩܵܐ ܟܠܲܝܗܝ ܐ݉ܢܵܫܹ̈ܐ ܕܗܘܹܝܹܐ ܝܢܵܐ ܕܸܒܼܚܹ̈ܐ ܕܪܲܫܝܼܥܘܼܬܵܐ ܘܐܘܼܪ̈ܙܹܐ ܟܡܝܼܠܹ̈ܐ ܒܫܸܢܹ̈ܐ ܕܗܘܹܝܹܐ ܝܢܵܐ ܕܸܒܼܚܹ̈ܐ ܕܥܢܵܦܵܐ ܒܲܝܬܘܼܬܵܝܵܐ) ܥܲܠ ܡܸܢܝܵܢܵܐ 1800 819 817 ܝܲܢ ܫܲܕܪܘܼܢ ܐܸܓܲܪܬܵܐ ܬܹܠܹܦ̮ܘܿܢܵܝܬܵܐ ܩܵܐ 0427 767 891 (ܡܼܢ ܣܵܥܲܬ 8 ܒܩܲܝܕܵܡܬܵܐ ܗܲܠ ܣܵܥܲܬ 11 ܒܠܲܝܠܹܐ، ܟܠܝܘܿܡ)
- ܚܘܼܛܵܐ ܕ Sexual Assault Crisis ܝܼܠܹܗ ܩܵܐ ܐ݉ܢܵܫܹ̈ܐ ܕܗܘܹܝܹܐ ܝܢܵܐ ܕܸܒܼܚܹ̈ܐ ܕܩܲܫܕܲܪܬܵܐ ܓܸܢܣܵܝܬܵܐ ܥܲܠ ܡܸܢܝܵܢܵܐ 1800 806 292 (24 ܣܵܥܲܬܹ̈ܐ، 7 ܝܵܘܡܵܢܹ̈ܐ ܒܫܵܒܼܘܿܥܵܐ)
ܐܸܢ ܐܲܚܬܘܿܢ ܝܲܢ ܚܲܕ ܐ݉ܢܵܫܵܐ ܐ݉ܚܹܪ݉ܢܵܐ ܝܼܬܘܿܢ ܓܵܘ ܩܸܢܛܵܐ ܗܵܫܵܝܵܐ، ܡܲܚܒܸܪܘܼܢ ܬܠܵܬܵܐ ܨܝܼܦܵܪܹ̈ܐ (000) Triple Zero ܩܵܐ ܗܲܝܲܪܬܵܐ ܕܥܪܝܼܨܘܼܬܵܐ (ܐܲܗܘܵܠ ܕܡܲܠܝܲܙܬܵܐ).
ܚܘܼܫܵܒܼܹ̈ܐ ܘܡܲܚܫܲܚܝܵܬܹ̈ܐ ܘܕܝܼܠܵܢܵܝܘܼܬܵܐ
ܡܵܨܝܼܬܘܿܢ ܡܲܩܪܸܒܼܝܼܬܘܿܢ ܚܘܼܫܵܒܼܹ̈ܐ ܘܡܲܚܫܲܚܝܵܬܹ̈ܐ ܒܘܼܕ ܢܸܣܝܵܢܵܘܟܼܘܿܢ ܥܲܡ ܚܸܠܡܲܬ The Orange Door ܒܡܲܦܠܲܚܬܵܐ ܕ ܦ̮ܘܿܪܡ ܕܚܘܼܫܵܒܼܹ̈ܐ ܘܡܲܚܫܲܚܝܵܬܹ̈ܐ ܕܡܼܢ ܥܲܠ ܐܸܢܬܸܪܢܸܬ (online feedback form) ܥܲܠ ܫܵܘܦܵܐ ܐܸܠܸܟܬܪܘܿܢܵܝܵܐ orangedoor.vic.gov.au/feedback ܝܲܢ ܒܡܲܚܒܲܪܬܵܐ ܥܲܠ ܡܸܢܝܵܢܵܐ 1800 312 820 ܘܛܠܵܒܬܵܐ ܕܗܲܡܙܸܡܝܼܬܘܿܢ ܥܲܡ ܦܵܠܵܚܵܘܟܼܘܿܢ، ܚܲܕ ܕܵܝܘܿܩܵܐ (ܬܲܓܒܸܪܵܢܵܐ ܕܫܘܼܓܼ݉ܠܵܐ) ܝܲܢ ܡܕܲܒܪܵܢܵܐ.
ܐܲܚܢܲܢ ܟܹܐ ܡܲܣܸܡܲܚ ܒܵܠܵܐ ܥܲܠ ܕܝܼܠܵܢܵܝܘܼܬܵܘܟܼܘܿܢ ܒܫܲܪܝܼܪܘܼܬܵܐ. ܩܵܐ ܕܝܵܕܥܝܼܬܘܿܢ ܕܵܐܟܼܝܼ ܒܸܕ ܡܲܦܠܸܚܲܚܠܵܗܿ ܡܵܘܕܥܵܢܘܼܬܵܘܟܼܘܿܢ،
ܦܵܠܵܚܵܘܟܼܘܿܢ، ܚܲܕ ܕܵܝܘܿܩܵܐ (ܬܲܓܒܸܪܵܢܵܐ ܕܫܘܼܓܼ݉ܠܵܐ) ܝܲܢ ܡܕܲܒܪܵܢܵܐ.
ܐܲܚܢܲܢ ܟܹܐ ܡܲܣܸܡܲܚ ܒܵܠܵܐ ܥܲܠ ܕܝܼܠܵܢܵܝܘܼܬܵܘܟܼܘܿܢ ܒܫܲܪܝܼܪܘܼܬܵܐ. ܩܵܐ ܕܝܵܕܥܝܼܬܘܿܢ ܕܵܐܟܼܝܼ ܒܸܕ ܡܲܦܠܸܚܲܚܠܵܗܿ ܡܵܘܕܥܵܢܘܼܬܵܘܟܼܘܿܢ، ܐܸܢ ܒܲܣܡܵܐܠܵܘܟܼܘܿܢ ܚܙܹܝܡܘܼܢ ܫܘܼܝܵܫܵܐ ܕܕܝܼܠܵܢܵܝܘܼܬܵܐ ܕܕܝܼܲܢ(our privacy policy)
Updated