Samoan
O le a le The Orange Door?
The Orange Door o le ala fou e saofaga ai i auaunaga tau fafine, fanau ma tupulaga talavou o loo feagai ma sauaga i totonu o aiga; ma aiga e moomia fesoasoani i le tausiga o fanau ma tupulaga talavou. E te le manaomia se faamaoniga e saofaga ai i fesoasoani ma lagolago e ala atu i le The Orange Door.
O a mea e mafai e le The Orange Door ona fai mo au?
Faafesootai The Orange Door pe a fai:
- O faatigaina oe e se tasi e latalata ia te oe, o pulea oe ma tau faamata’u ia te oe, e pei o lau paaga, tagata o lou aiga, se tagata o nonofo faatasi ma oe poo se tasi o tausia oe
- Ua faigata ou tiute faamatua i fanau ona o vesiga faale aiga, faafitauli tau tupe, gasegase, naunau faa-vaisû ae le faamalieina, lotomomomo ma le ola faafale’esea.
- O e popole i le saogalemu o se tamaititi poo se tagata talavou.
- O e popole i le saogalemu o sau uo poo se tasi o lou aiga.
Afai o oe o se tagata fai mai poo se tagata sulufa’i poo se tagata e le nofomau, e mafai pea lava ona matou fesoasoani atu. Aua e te fefe e saili fesoasoani ona o le tulaga o tagata fai mai. O le auaunaga lenei e faia fua e aunoa ma se totogi. Fa’ailoa i tagata faigaluega o le The Orange Door pe afai e te filifili e fa’atalanoa lau matāupu i luga o le telefoni poo le faafesaga’i.
Ou te moomia se faaliliu upu
Faailoa i le tautua pe a e moomia se faaliliu upu.Faailoa i le tautua:
- Le numera o lau telefoni
- Lau gagana
- Taimi saogalemu e vili atu ai.
Ona toe vili atu lea o le faaliliu upu ia te oe.
O se auaunaga ua fuafuaina mo a’u le The Orange Door?
E talia e le The Orange Door soo se tagata poo le a lava le matua, alii poo se tamaitai, soo se ituaiga, poo le a foi le tomai. E amanaia uma lava soo se aganuu ma soo se talitonuga. Faailoa i le aufaigaluega pe afai e te manao i se alii poo se tamaitai lua te galulue. E galue le The Orange Door mo aganuu eseese, LGBTI poo auaunaga mo Faafafine ma auaunaga i tagata e iai manaoga faapitoa e tali atu ai i le eseese o le mau manaoga o tagata ta’itoatasi ma aiga. E avatu ia te oe e le Aufaigaluega faamatalaga e uiga i mea e te filifili iai ma faafesoota’i oe i auaunaga e te moomia.
O i fea le The Orange Door?
Sa’ili i le tulaga poo le numera o le nofoaga e maua ai le auaunaga i lou lotoifale.
O a taimi e tatala ai le The Orange Door?
E matala le The Orange Door mai le 9am - 5pm Aso Gafua i le Aso Faraile (e tapunia i aso malolo).
O fea ou te ono alu iai pe a le matala le The Orange Door?
Fesootai auaunaga nei i fafo o taimi masani:
- Auaunaga Faasino iai Tamaloloa o le 1300 766 491 (8am - 9pm Aso Gafua - Aso Faraile ma le 9am-5pm Aso Toonai ma le Aso Sa) (Faufautua mai le telefoni i sauaga i aiga mo tamaloloa, faamatalaga ma tautua e faasino atu iai)
- Sitepu Saogalemū o se auaunaga lagolago mo e o loo a’afia i sauāga i aīga 1800 015 188 (24 itulā, 7 aso o le vaiaso). E mafai fo’i ona e imeli le Sitepu Saogalemū pe fa’aaogā le latou auaunaga lagolago talanoa tu’usa’o i le upega tafa’ilagi.
- Telefoni fesoasoani mo tagata o loo afaina ona o solitulafono (mo tagata uma o loo afaina ona o solitulafono ma tamaloloa o loo afaina i sauaga i aiga) 1800 819 817 (8am - 11pm, aso uma)
- O le Laina Telefoni o Fa’afitauli i Sauāga Tau Feusua’iga e mo tagata ua afaina i sauāga tau feusua’iga 1800 806 292 (24 itulā, 7 aso o le vaiaso)
