The Orange Door

Nuer

  
The Orange Door Ɛŋu?
Ɛn The Orange Door nɛ ca̱p mi̱pay tuɔk kɛ ciaaŋ la̱t kɛ kui̱c mään kɛn gaat ke naath tin tɔaatni̱ tin dɔ̱ŋ dee ciaaŋ jiääk jek ciëëŋni̱ tin ciaŋkɛ ɛ kɛn; ken dho̱r tin tin go̱o̱r luäk kɛ yuɔ̱p gan kiɛ naath tin tɔaatni̱.Jin dhili̱ jɛ go̱r ɛn ho̱o̱ bi̱ cop rɛy luäkä nɔnɔ kɛ jɛn The Orange Door. 
Ɛŋu bi The Orange Door jɛ lät kä hä?
Ber kä The Orange Door mi̱:
· Mi̱ ti̱i̱ kɛ raan maarädu mi̱ ciɛŋ ji̱ a jiääk, mi̱ pen ji̱ ciaaŋ lɔrä kiɛ dhiäät ji̱ ciaŋ, cet kɛ guän dhɔaaru, ram kɛl kä ji̱ maarädu, ram nyuakɛ duel kiɛ yuupdu 
· Mi̱ cuci̱ kɛ röm gan mi̱ ciaa gua̱c rɛi dhɔaarun, dak yiööuni̱, ciaaŋ jua̱th, ciaaŋ yɔŋä wal, jiath lɔaac kiɛ ca ji̱ lo̱k 
· Mi̱ diɛɛri̱ kɛ ciaaŋ puɔlä pua̱a̱ny gatä kiɛ ram duŋ tiit 
· Mi̱ diɛɛri̱ kɛ ciaaŋ puɔlä pua̱a̱ny gatä maath kiɛ raan kä ji̱ cieŋ 
Mi̱ lapi̱ ja̱l kiɛ ho̱o̱th kiɛ thilɛ ji̱ guäth ciɛɛŋä mi̱ gɔaa, ŋotɛ kɛ ba̱kɔ ji̱ luäk. Cu dual kɛ gör luäkä kɛ höö lapi̱ ja̱l. Jɛn ɛ lɛ̱t mi̱ lɔr. E la̱a̱t The Orange Door ɛ ŋäc mi nhɔki ni ɣöö deri riɛkdu mi ŋɔ̱ɔ̱ŋi la̱t kɛ tɛlɛpuɔn kiɛ de ben ni puɔnydu. 
 
 
Gööra luuc thuɔk
A ji̱ la̱t ŋa̱c kɛ jɛ mi̱ go̱o̱ri luuc thuɔk. A kɛ ŋa̱c kɛ:
· Nɔmbɔr Talɛpoonädu 
· Thok in ruac kɛ ji̱ 
· Thaak in de ji̱ yɔ̱a̱t talɛpoon kɛ jɛ 
Bi̱ ram in looc thok ji̱ yɔ̱a̱t talɛpoon kɛ kɔrɛ. 
Ɛn The orange Door aa jɛ la̱t ɛ puɔk ɛ kui̱cdä?
Ɛn The Orange Door nhɔkɛ naath dial kɛɛl; gaat amäni̱ di̱t, män kɛn wutni̱ kɛn thil luäŋä. Ciɛŋ teekä dial kɛ pali̱ dial luɔ̱th kɔ kɛ. A la̱a̱l ŋäc jɛ mi̱ nhɔki̱ni̱ la̱t kɛ̈ɛ̈l kɛ wut kiɛ ciek. Ɛn The Orange Door lätɛ kɛɛl kɛ ciɛŋ teekä ti̱ gööl, la̱t LGBTI kɛn la̱t kɛ kui̱c ji̱ bumni̱ kɛ ɣöö bɛ naath kɛn ji̱ ciëëŋni̱ ti̱ gööl cop. Bi̱ kɛn la̱a̱t ji̱ kam läär kɛ dup ti te wa̱nɔ kä baa ji̱ röm kɛ duɔ̱ɔ̱p in go̱o̱ri. 
Kä The Orange Door te wi̱ni̱th? 
Go̱o̱r gua̱th in te thi̱n kiɛ kɛ postcode biɛ jek kä lät tin thia̱k kɛ ji. 
Laa lɛ̈p jɛ kɛ gua̱a̱th in mith ɛn The Orange Door?
Ɛn The Orange Door laa lɛ̈p jɛ kɛ thaak 9am ɛ we kä 5pm kɛ Jiec la̱t amäni̱ cäŋ kä Dhieec (laa ga̱k jɛ kɛnin lɔ̱ŋä). 
Kä dee kulɛ we ni̱kä mi̱/kän The Orange Door lɛp?
Wer gua̱thni̱ titi kɛ thaakni̱ tin thilɛ la̱t:
· Kɛ kui̱c wutni̱ cio̱tni̱ kɛ 1300 766 491 (8am-9pm Jiec la̱t amäni̱ cäŋ kä Dhieec kɛn 9am-5pm kɛ cäŋ ka̱ ba̱kɛl kɛn cäŋ kuɔth) (talɛpoon kɛ kui̱c wutni̱ kɛ luek kɛ rɔl cieŋ, läär kɛn tho̱p la̱t)
· Safe Steps ɛ luäk kɛ kui̱ nɛɛni tin ca moc rik dho̱o̱rikiɛn 1800 015 188 (thaakni 24, ni̱n 7 kɛ juɔk) Jin ba̱ deri email ja̱k kä email Safe Steps kiɛ wer kä live web chat support service
· Nɔmbɔr kɛ kui̱c lua̱k naath tin caa ciɛŋ ɛ jiäk (kɛ kui̱c naath dial tini jek ciaaŋ jiääk kɛn wutni̱ tin di̱t thi̱n cuc rɛi ciɛɛŋä mi̱ bɛc 1800 819 817 (8am - 11pm, ni̱ ciaŋ)
· The Sexual Assault Crisis Line ɛ kui nɛɛni tin ca moc ri̱k kɛ kuɔk tɔ̱ɔ̱cä mi /ka̱nɛ nhɔk 1800 806 292 (thaakni 24, ni̱n 7 kɛ juɔk)
 
 
Mi̱ ti̱i̱ kɛ riɛk mi̱ rup-rup kiɛ radɔ̱diɛn, cɔl baŋ kä dhiɔ̱ɔ̱k ɛmɔ (000) kɛ höö ba ji̱ luäk kɛ pɛ̈th.