The Orange Door

Assyrian

  

ܡܘܿܕܝܼ ܝܠܵܗ̇The Orange Door ؟

The Orange Door ܝܼܠܵܗܿ ܚܕܵܐ ܐܘܼܪܚܵܐ ܚܲܕܬܬܵܐ ܠܸܡܛܵܝܵܐ ܠܚܸܠܡܲܬܹ̈ܐ ܕܩܵܐ ܢܸܫܹ̈ܐ ܘܛܸܦܠܹ̈ܐ ܘܥܠܲܝܡܹ̈ܐ ܕܡܢܲܣܘܼܝܹܐ ܝܢܵܐ ܥܢܵܦܵܐ ܕܒܲܝܬܘܼܬܵܐ؛ ܘܩܵܐ ܒܲܝܬܘܼܝܵܬܹ̈ܐ ܕܣܢܝܼܩܹܐ ܝܢܵܐ ܠܣܢܵܕܬܵܐ ܒܡܲܣܲܡܬܵܐ ܕܒܵܠܵܐ ܠܛܸܦܠܹ̈ܐ ܝܲܢ ܠܥܠܲܝܡܹ̈ܐ.ܐܲܚܬܘܿܢ ܠܵܐ ܝܬܘܿܢ ܣܢܝܼܩܹܐ ܠܚܕܵܐ ܡܲܦܫܲܛܬܵܐ ܩܵܐ ܕܡܵܨܝܼܬܘܿܢ ܕܩܲܒܠܝܼܬܘܿܢ ܗܲܝܲܪܬܵܐ ܘܣܢܵܕܬܵܐ ܒܐܘܼܪܚܵܐ ܕ The Orange Door.
ܡܘܿܕܝܼ ܡܵܨܝܵܐ The Orange Door ܕܥܵܒ݂ܕܵܐ ܩܵܐܠܝܼ؟
ܡܲܚܒܸܪܘܼܢ ܩܵܐ The Orange Door ܐܸܢ:
· ܚܲܕ ܦܲܪܨܘܿܦܵܐ ܕܩܘܼܪܒܵܐ ܝܠܹܗ ܐܸܠܵܘܟ݂ܘܿܢ (ܐܲܝܟ݂ ܫܲܪܝܼܟܵܐ ܕܚܲܝܵܘܟܼܘܿܢ، ܚܲܕ ܗܲܕܵܡܵܐ ܕܒܲܝܬܘܼܬܵܘܟ݂ܘܿܢ، ܚܲܕ ܕܒܸܚܵܝܵܐ ܝܠܹܗ ܥܲܡܵܘܟ݂ܘܿܢ ܓܵܘ ܒܲܝܬܵܐ، ܝܲܢ ܡܲܣܸܡܢܵܐ ܕܒܵܠܵܐ ܐܸܠܵܘܟ݂ܘܿܢ) ܡܲܡܪܘܼܥܝܵܘܟ݂ܘܿܢ ܝܼܠܹܗ، ܚܲܟܘܼܡܹܐ ܝܠܹܗ ܥܲܠܵܘܟ݂ܘܿܢ ܝܲܢ ܡܲܥܒ݂ܘܼܕܵܘܟ݂ܘܿܢ ܝܼܠܹܗ ܕܪܵܓ݂ܫܝܼܬܘܿܢ ܒܙܕܘܼܥܬܵܐ
· ܐܝܼܬܠܵܘܟ݂ܘܿܢ ܩܸܛܪܹ̈ܐ ܕܐܲܒ݂ܵܗܘܼܬܵܐ ܒܥܸܠܬܵܐ ܕܡܲܩܪܸܨܵܢܘܼܬܵܐ ܒܲܝܬܘܼܬܵܢܵܝܬܵܐ، ܕܩܸܛܪܹ̈ܐ ܙܘܼܙܵܢܵܝܹ̈ܐ، ܕܡܲܪܥܵܐ، ܕܡܥܲܝܕܘܼܬܵܐ، ܕܚܲܫܵܐ ܝܲܢ ܕܠܚܘܼܕܵܝܘܼܬܵܐ
· ܬܲܚܡܘܼܢܹܐ ܝܬܘܿܢ ܒܘܼܬ ܫܲܝܢܘܼܬܵܐ  ܘܣܲܠܵܡܲܬܘܼܬܵܐ ܕܚܲܝܹܐ ܕܚܲܕ ܛܸܦܠܵܐ ܝܲܢ ܥܠܲܝܡܵܐ
· ܬܲܚܡܘܼܢܹܐ ܝܬܘܿܢ ܒܘܼܬ ܫܲܝܢܘܼܬܵܐ ܕܚܲܕ ܚܲܒ݂ܪܵܐ ܝܲܢܗܲܕܵܡܵܐ ܕܒܲܝܬܘܼܬܵܐ.  
ܐܸܢ ܐܲܚܬܘܿܢ ܝܼܬܘܿܢ ܚܲܕ ܬܵܘܬܵܒ݂ܵܐ ܝܲܢ ܓܵܘܣܵܢܵܐ ܝܲܢ ܠܲܝܬܠܵܘܟ݂ܘܿܢ ܥܵܡܘܿܪܘܼܬܵܐ ܐܲܡܝܼܢܵܝܬܵܐ، ܐܲܚܢܲܢ ܗܵܠܵܐ ܡܵܨܲܚ ܕܗܲܝܸܪܲܚܠܵܘܟ݂ܘܿܢ. ܠܵܐ ܙܵܕܥܝܼܬܘܿܢ ܡ̣ܢ ܠܸܛܠܵܒܵܐ ܣܢܵܕܬܵܐ ܒܥܸܠܬܵܐ ܕܐܲܝܟܲܢܵܝܘܼܬܵܘܟ݂ܘܿܢ ܕܬܵܘܬܵܒ݂ܘܼܬܵܐ.ܐܲܝܵܐ ܚܸܠܡܲܬ ܡܲܓܵܢܵܝܬܵܐ ܝܠܵܗ̇. ܡܲܕܥܹܝܡܘܼܢ ܩܵܐ ܦܵܠܵܚܹ̈ܐ ܕ The Orange Door ܐܸܢ ܒܵܥܝܼܬܘܿܢ ܕܕܵܪܫܝܼܬܘܿܢ ܠܵܗ̇ ܐܲܝܟܲܢܵܝܘܼܬܵܘܟ݂ܘܿܢ (ܐܲܗܘܵܠܵܘܟ݂ܘܿܢ) ܥܲܠ ܬܹܠܝܼܦ̮ܘܿܢ ܝܲܢ ܒܬܦܵܩܬܵܐ ܦܲܪܨܘܿܦܵܐܝܼܬ ܦܵܬܵܐ ܠܦܵܬܵܐ. 
ܣܢܝܼܩܵܐ ܝܘܸܢ ܠܚܲܕ ܡܬܲܪܓܡܵܢܵܐ
ܡܲܕܥܹܝܡܘܼܢ ܩܵܐ ܚܸܠܡܲܬ ܐܸܢ ܣܢܝܼܩܹܐ ܝܬܘܿܢ ܠܚܲܕ ܡܬܲܪܓܡܵܢܵܐ.ܡܲܕܥܹܝܡܘܼܢ ܩܵܐ ܚܸܠܡܲܬ:
· ܡܸܢܝܵܢܵܐ ܕܬܹܠܝܼܦ̮ܘܿܢܵܘܟ݂ܘܿܢ
· ܠܸܫܵܢܵܘܟ݂ܘܿܢ
· ܐܝܼܡܵܢ ܝܼܠܵܗ̇ ܫܲܝܢܵܝܬܵܐ ܕܐܲܚܢܲܢ ܩܵܪܲܚܠܵܘܟ݂ܘܿܢ.
ܒܗ̇ܝܓܵܗܵܐ ܚܲܕ ܡܬܲܪܓܡܵܢܵܐ ܒܸܕ ܡܲܚܒܸܪܵܘܟ݂ܘܿܢ.
ܝܼܠܵܗ̇ The Orange Door ܚܕܵܐ ܚܸܠܡܲܬ ܕܦܝܼܫܬܵܐ ܝܠܵܗ̇ ܡܙܘܼܪܸܙܬܵܐ ܩܵܐܠܝܼ؟
The Orange Door ܟܹܐ ܩܲܒܠܵܐ ܒܫܲܝܢܵܐ ܩܵܐ ܟܠܲܗܝ ܐ݇ܢܵܫܹ̈ܐ ܕܡ̣ܢ ܟܠ ܥܘܼܡܪܵܐ، ܓܸܢܣܵܐ، ܓܸܢܣܵܝܘܼܬܵܐ ܝܲܢ ܡܵܨܝܵܢܘܼܬܵܐ ܕܗܵܘܝܼ. ܟܠܲܝܗܝ ܦܸܨܠܹ̈ܐ ܕܡܲܚܲܒܝܵܬܹ̈ܐ ܡܲܪ̈ܕܘܼܬܵܢܵܝܹܐ ܘܬܵܘܕܝܼܬܵܢܵܝܹ̈ܐ ܦܝܼܫܹܐ ܝܢܵܐ ܡܝܘܼܩܪܹܐ. ܡܲܕܥܹܝܡܘܼܢ ܩܵܐ ܦܲܠܵܚܵܐ ܐܸܢ ܡܲܚܘܼܒܹܐ ܝܬܘܿܢ ܕܦܵܠܚܝܼܬܘܿܢ ܥܲܡ ܚܲܕ ܦܲܠܵܚܵܐ ܐܘܼܪܙܵܐ ܝܲܢ ܢܸܩܒ݂ܵܐ.  The Orange Door ܟܹܐ ܦܵܠܚܵܐ ܥܲܡ ܚܸܠܡܲܬܹ̈ܐ ܣܲܓܝܼܡܲܪ̈ܕܘܼܬܵܢܵܝܹܐ، ܚܸܠܡܲܬܸ̈ܐ ܕܢܸܩܒܹ̈ܐ ܐܲܟ݂ܘܵܬܵܢܵܝܹ̈ܐ، ܐܘܼܪ̈ܙܹܐ ܐܲܟ݂ܘܵܬܵܢܵܝܹ̈ܐ، ܐ݇ܢܵܫܹ̈ܐ ܬܪܲܝܵܢܲܝ ܓܸܢܣܵܐ، ܐ݇ܢܵܫܹ̈ܐ ܕܒܵܥܝܼ ܕܬܵܒܥܝܼ ܠܗ̇ܘ ܓܸܢܣܵܐ ܐ݇ܚܹܪ݇ܢܵܐ، ܘܚܒ݂ܝܼܛܲܝ̈ ܓܸܢܣܵܐ (LGBTI) ܘܚܸܠܡܲܬܹ̈ܐ ܕܫܲܦܠܘܼܬܵܐ ܒܢܝܼܫܵܐ ܕܠܸܡܠܵܝܲܝܗܝ ܣܢܝܼܩܘܼܝܵܬܹ̈ܐ ܦܪ̈ܝܼܫܹܐ ܕܦܲܪ̈ܨܘܿܦܹܐ ܠܚܘܼܕܵܝܹ̈ܐ ܘܕܒܲܝܬܘܼܝܵܬܹ̈ܐ.ܦܲܠܵܚܹ̈ܐ ܒܸܕ ܝܵܗܒ݂ܝܼܠܵܘܟ݂ܘܿܢ ܡܲܘܕܥܵܢܘܼܬܵܐ ܒܘܼܬ ܓܘܼܒܵܝܹ̈ܐ ܘܐܵܣܪܝܼܠܵܘܟ݂ܘܿܢ ܒܐܵܢܝܼ ܚܸܠܡܲܬܹ̈ܐ ܕܐܲܚܬܘܿܢ ܣܢܝܼܩܹܐ ܝܬܘܿܢ ܐܸܠܲܝܗܝ.
ܐܲܝܟܵܐ ܝܠܵܗ̇ The Orange Door؟
ܠܡܲܫܟ݂ܘܼܚܘܿܗ̇ ܚܸܠܡܲܬ ܕܓܵܘ ܦܢܝܼܬܵܘܟ݂ܘܿܢ،  ܛܵܥܹܝܡܘܼܢ ܒܐܘܼܪܚܵܐ ܕܫܵܘܦܵܐ ܝܲܢ ܕܦܘܿܣܟܘܿܕ  (Search by location or postcode)
ܐܝܼܡܵܢ ܝܼܠܵܗ̇ The Orange Door ܦܬܝܼܚܬܵܐ؟
The Orange Door ܦܬܝܼܚܬܵܐ ܝܠܵܗ̇ ܡ̣ܢ ܣܵܥܲܬ ܕ 9 ܒܩܲܝܕܲܡܬܵܐ ܗܲܠ 5 ܒܪܲܡܫܵܐ ܡ̣ܢ ܬܪܹܝܢܒܫܲܒܵܐ ܗܲܠ ܥܪܘܼܒ݂ܬܵܐ (ܕܒ݂ܝܼܪܬܵܐ ܝܠܵܗ̇ ܒܝܵܘܡܵܢܹ̈ܐ ܕܒܸܛܠܵܢܹ̈ܐ ܪ̈ܘܼܫܡܵܝܹܐ).  
ܠܐܲܝܟܵܐ ܓܵܪܲܓ ܕܐܵܙܸܠ݇ܢ ܐܝܼܡܵܢ ܕ The Orange Door ܠܵܐ ܝܠܵܗ̇ ܦܬܝܼܚܬܵܐ؟
ܡܲܚܒܸܪܘܼܢ ܩܵܐ ܚܸܠܡܲܬܹ̈ܐ ܕܒܸܐܬܵܝܵܐ ܝܢܵܐ ܠܒܲܕܲܪ ܕܐܲܢܹܐ ܣܵܥܲܬܹ̈ܐ:
· ܚܸܠܡܲܬ ܕܡܲܦܫܲܛܬܵܐ ܕܐܘܼܪ̈ܙܹܐ (Men’s Referral Service) ܥܲܠ ܬܹܠܝܼܦ̮ܘܿܢ ܡܸܢܝܵܢܵܐ 491 766 1300 (ܣܵܥܲܬ 8 ܒܩܲܝܕܲܡܬܵܐ ܗܲܠ 9 ܒܪܲܡܫܵܐ ܡ̣ܢ ܬܪܹܝܢܒܫܲܒܵܐ ܗܲܠ ܥܪܘܼܒ݂ܬܵܐ ܘ 9 ܒܩܲܝܕܲܡܬܵܐ ܗܲܠ 5 ܒܪܲܡܫܵܐ ܒܝܵܘܡܵܢܹ̈ܐ ܕܫܲܒܬܵܐ ܘܕܚܲܕܒܫܲܒܵܐ) (ܡܲܩܪܲܒ݂ܬܵܐ ܕܡܸܠܟܵܐ ܩܵܐ ܐܘܼܪ̈ܙܹܐ ܒܐܘܼܪܚܵܐ ܕܬܹܠܝܼܦ̮ܘܿܢ ܒܘܼܬ ܥܢܵܦܵܐ ܕܒܲܝܬܘܼܬܵܐ، ܘܡܲܘܕܥܵܢܘܼܬܵܐ ܘܚܸܠܡܲܬ ܕܡܲܦܫܲܛܬܵܐ)
·  Safe Steps ܝܼܠܵܗ̇ ܚܕܵܐ ܚܸܠܡܲܬ ܕܣܢܵܕܬܵܐ ܩܵܐ ܐܵܢܝܼ ܕܦܝܼܫܹܐ ܝܢܵܐ ܥܘܼܓ̰ܸܙܹܐ ܒܥܢܵܦܵܐ ܕܒܲܝܬܘܼܬܵܐ ܘܡܸܢܝܵܢܵܐ ܕܬܹܠܝܼܦ̮ܘܿܢ ܝܼܠܹܗ 188 015 1800 (ܦܬܝܼܚܵܐ ܝܠܹܗ 24 ܣܵܥܲܬܹ̈ܐ ܒܝܵܘܡܵܐ ܘ 7 ܝܵܘܡܵܢܹ̈ܐ ܒܫܵܒ݂ܘܿܥܵܐ). ܐܵܦ ܡܵܨܝܼܬܘܿܢ ܕܫܲܕܪܝܼܬܘܿܢ  ܐܝܼܡܵܝܠ ܩܵܐ  Safe Steps (email Safe Steps) ܝܲܢ ܕܡܲܦܠܸܚܝܼܬܘܿܢ ܠܵܗ̇ ܚܸܠܡܲܬܲܝܗܝ ܕܣܢܵܕܬܵܐ ܗܵܫܵܝܬܵܐ ܒܗܲܡܙܲܡܬܵܐ ܥܲܠ ܐܸܢܬܸܪܢܹܝܬ (live web chat support service). 
· ܚܘܼܛܵܐ ܬܹܠܝܼܦ̮ܘܿܢܵܝܵܐ ܕܗܲܝܲܪܬܵܐ ܩܵܐ ܦܲܪ̈ܨܘܿܦܹܐ ܕܦܝܵܫܵܐ ܝܢܵܐ ܥܘܼܓ̰ܸܙܹܐ ܒܪܘܼܫܥܵܐ (Victims of Crime helpline) (ܩܵܐ ܟܠܲܝܗܝ ܐܵܢܝܼ ܕܦܝܵܫܵܐ ܝܢܵܐ ܥܘܼܓ̰ܸܙܹܐ ܒܪܘܼܫܥܵܐ ܘܩܵܐ ܐܘܼܪ̈ܙܹܐ ܟܡܝܼܠܹ̈ܐ ܒܫܸܢܹ̈ܐ ܕܦܝܵܫܵܐ ܝܢܵܐ ܥܘܼܓ̰ܸܙܹܐ ܒܥܢܵܦܵܐ ܕܒܲܝܬܘܼܬܵܐ) ܥܲܠ ܬܹܠܝܼܦ̮ܘܿܢ ܡܸܢܝܵܢܵܐ 817 819 1800 (ܝܵܘܡܵܐܝܼܬ ܡ̣ܢ ܣܵܥܲܬ 8 ܒܩܲܝܕܲܡܬܵܐ ܗܲܠ 11 ܒܠܲܝܠܹܐ)
·  ܚܘܼܛܵܐ ܬܹܠܝܼܦ̮ܘܿܢܵܝܵܐ ܕܐܘܼܠܨܵܢܵܐ ܒܥܸܕܵܢܵܐ ܕܨܦܵܚܬܵܐ ܓܸܢܣܵܢܵܝܬܵܐ ܝܼܠܹܗ ܩܵܐ ܐܵܢܝܼ ܕܦܝܼܫܹܐ ܝܢܵܐ ܥܘܼܓ̰ܸܙܹܐ ܒܨܦܵܚܬܵܐ ܓܸܢܣܵܢܵܝܬܵܐ ܘܡܸܢܝܵܢܵܐ ܕܬܹܠܝܼܦ̮ܘܿܢ ܝܼܠܹܗ 292 806 1800 (ܦܬܝܼܚܵܐ ܝܠܹܗ 24 ܣܵܥܲܬܹ̈ܐ ܒܝܵܘܡܵܐ ܘ 7 ܝܵܘܡܵܢܹ̈ܐ ܒܫܵܒ݂ܘܿܥܵܐ). 
ܐܸܢ ܐܲܚܬܘܿܢ ܝܲܢ ܚܲܕ ܦܲܪܨܘܿܦܵܐ ܐ݇ܚܹܪ݇ܢܵܐ ܝܼܬܘܿܢ ܓܵܘ ܩܸܢܛܵܐ ܗܵܫܵܝܵܐ، ܩܪܘܿܢ ܥܲܠ ܡܸܢܝܵܢܵܐ ܕܬܠܵܬܵܐ ܨܝܼܦܵܪܹ̈ܐ (000) ܠܸܛܠܵܒܵܐ ܗܲܝܲܪܬܵܐ ܒܥܸܕܵܢܵܐ ܕܥܪܝܼܨܘܼܬܵܐ.